भारतीय पक्षद्धारा पुर्व पश्चिम करिव १० मिटर अग्लो बाँध निर्माण गर्दा बर्षेणी बर्षा याममा नेपाली क्षेत्र डुवानमा परेर ठूलो आर्थिक क्षति हुने गरेको हो ।
२ सय मिटर दशगज्जा क्षेत्र अतिक्रमण गरेर बाँध बनाएको भारतीय
पक्षद्धारा स्वीकार, चाडै खाली गराउन संकेत दिएको खुलासा गरे प्रजिअ घिमिरे।
प्रभात कुमार झा।
रौतहट, २३ असार । नेपाल भारतको संयुक्त सर्वे टोलीले जिपिएस प्रविधिबाट नाँपजाँच गर्दा भारतीय पक्षद्धारा करिव २ मिटर दशगज्जा क्षेत्र मिचेर बाँध बनाइएको प्रमाणित भएको छ ।
करिव २० बर्ष अघि नेपाल भारत सिमामा पर्ने रौतहटको इशनाथ नगरपालिकाको बन्जरहा नजिक दशगज्जा क्षेत्रमै भारतीय पक्षद्धारा पुर्व पश्चिम करिव १० मिटर अग्लो बाँध निर्माण गर्दा बर्षेणी बर्षा याममा नेपाली क्षेत्र डुवानमा परेर ठूलो आर्थिक क्षति हुने गरेको हो ।
स्थानीयद्धारा पटक पटक नेपाल सरकार संग दशगज्जामा बनाइएको अग्लो बाँध भत्काउन आग्रह गर्दा पनि बल्ल दुई दिन अघि नेपाल भारतको ज्वाइन्ट सर्वे टोलीले विपिएस प्रविधिबाट नापजाँच गरेर ११ स्थानमा अस्थायी रुपमा जिआई फलामको पाइप गाडेर रेखाँक्न गर्दा करिव भारतले २०० मिटर सिमा मिचेको प्रमाणित भएका छन् ।
६२ बर्षिय स्थानीय राजेन्द्र सिंहले बन्जरहा गाउँ देखि पूर्वमा रहेको लाल बकैया नदीमा भारतीय सरकारको लगानीमा निर्माण भईरहेको उत्तर दक्षिण बाँधको समयमा भारतीय क्षेत्रलाई जोगाउनका लागि करिव २० बर्ष अघि उक्त बाँध देखि दिएर करिव दुई किलोमिटर पश्चिम सम्म एकतर्फी रुपमा बाँध बनाएपछि मात्रै बन्जरहा गाउँ डुवानमा परेको बताए । यत्रो समय देखि बाँधको कारण अनाहकमा बन्जरहा गाउँ प्रत्येक बर्ष बर्षा यममा डुवानमा परेर करिव तिन महिना सम्म गाउँ भन्दा बाहिर निस्कने अवस्था नरहेको उनले गुनासो गरे ।
हरेक बर्ष भारतीय पक्षद्धारा दशगज्जामा बनाइएको बाँधलाई स्तरवृद्धि गरेर मर्मत गर्ने गरेको हुँदा हामीहरु झन् असुरक्षित हुदै गएको भएपनि हाम्रो सरकारबाट आफनो नागरिकलाई सुरक्षीत रख्न कुनै ठोस पहल नगर्दा यहाँका जनताहरु बर्षेणी बाढी र डुवानबाट लाखौ क्षति बेहोर्न बाध्य रहेको समेत उनले भने ।
स्थानीय बासिन्दाहरुको निकै प्रयास पछि भारतीय टोलीको अनुराग कुमार र नेपाली टोलीको उमेश कुमार सहितको प्राविधिक टोलीले जिपिएस प्रविधिबाट नक्साको पहिचान गरेर सिमा क्षेत्रको ११ स्थानमा अस्थायी रुपमा पिलर गाडीएको बताइएको छ । ज्वाइन्ट टोली संग सशस्त्र प्रहरीको विओपी औरैयाका इन्सपेक्टर हरी प्रसाद केसी, नेपाल प्रहरीका प्रहरी नायव निरीक्षक सुरेश प्रसाद गुप्ता र भारत मोतिहारी ढाकाको एसडिएम ज्ञानप्रकार, एएसडिएम संजय कुमारको ज्वान्ट टोलीले नापजाँच गरिएर जिआई पाइप गाडेर रेखाँक्न गरिएको बताइएको छ ।
विवादित रहेको पिलर नम्वर ३४६÷५ देखि ३४६÷७ को विचमा ३ वटा अस्थायी पिलर र ३४६÷६ देखि ३४६÷७ सम्म ८ वटा अस्थायी रुपमा साँकेतिक चिन्ह खडा गरिदा करिव २०० मिटर सम्म दशगज्जा क्षेत्रलाई मिचेर बाँध भारतीय पक्षद्धारा बनाइएको पाइएपछि माथिल्लो स्तरको निर्णय पछि बर्षा सिजन सके पश्चात अतिक्रमित क्षेत्र खाली हुने बताइएको छ ।
प्रमुख जिल्ला अधिकारी बासुदेव घिमिरेले स्थानीयहरुको अवस्थालाई मध्यनजर राख्दै निकै प्रयास तथा काउण्टर पार्टस संगको सहकार्यको कारण बन्जरहा देखि दक्षिण दशगज्जामा एकतर्फी रुपमा भरतीय सरकारद्धारा निर्माण गरिएको बाँधको सन्दर्भमा दुवै देशका सर्वेयर टोलीद्धारा सिमा छुट्याइएको बताए । भारतीय पक्षको नेतृत्व गरेका ढाकाको एसडिएम ज्ञानप्रकाशले दशगज्जाको दयाँबाँया ९ मिटर भित्रमा पर्ने बाँधलाई तुरुन्तै हटाउने कुरा स्वीकार गरेको भएपनि समय सिमा नतोकेको बताए ।
भारतीय पक्षद्धारा करिव २०० मिटर सिमा क्षेत्र अतिक्रमण भएको स्वीकार गर्दै चाँडै खाली गराउने प्रतिबद्धता जनाएको हुँदा सोही अनुरुप नेपाली सुरक्षाकर्मीहरुलाई समय समयमा उनीहरु संग सिधा सम्पर्कमा रहेर अविलम्ब सिमाको अतिक्रमण हटाउने तर्फ यथोचित कदम चाल्न निर्देशन दिएको जानकारी दिए ।
Comments
Post a Comment